ولا الحق ياله
ايه دا اوباااااا
شايف الصاروخ دي ؟
شايف يا عم شايف
شايف لابسه بنطلون ضيق ازاي
دي اكيد لابساه عشان تتعاكس
طب ايه ؟
مفيش ايه .. يالا نروح يمكن نطلع برقم التليفون
اشطه يالا
بسسسست بسسسست
أجميل انت أجميل
طب كلمه .. طب نظره
طب فودافون ولا اتصالاات
اوعي تكون موبينيل لإن دقايقها غاليه
امشي ياض يا وسخ من هنا
وسخ ؟ انتي فاكره نفسك مين يابت
ياض دي طلعت شمال فشخ
--------------------
بتحصل ولا مبتحصلش ؟
بنشوف الموقف دا في الشوارع ولا لأ ؟
حد بيتكلم ؟ طب حد بيدافع عنها ؟ طب حد بيربيهم ؟
طب لو البنت اتكلمت .. ليه تقول عليها شمال ؟
طب لو البنت سكتت .. ليه تقول عليها موافقه ع المعاكسه ؟
طب المطلوب منها تعمل ايه ؟
طب مفكرتش المطلوب منك انت تعمل ايه !