سامعه نسيم الوطن بيهمسلي ويناديلي
بيمدلي إيده وفي الضلمه بيحيِي قناديلي
ياتري في عز الغم هيرضي يغنيلي ؟؟
ولا كِسا الهَم مغرقه ونفسه يشكيلي ؟
تعالي جمبي يا نسيم اقعد وإحكيلي
ايه غيَرك وبدَل بياضك بـ سواد ليلي؟
قالي : والله مانا عارف ابدأ منين !
مخروس وكاتم في قلبي بقالي سنين
بسف التراب ولا اشكيش
ضاع صمام قلبي ولا ابكيش
عايش في ساقيه مصديَه ومابيديش !
قولتله يابني هات همك علي همي
قالي ومنين اجيبه وانا سايح في دمي ؟
قتلني اليأس عشان بحلم بـ ضَمِي !
ضمه تكسرلي ضلوعي من كُتر الحنان
ضمه تحسسني بمعني اجهله اسمه الامان
خدت النسيم في حُضني وبكي جواه
قولتله مابيَدناش حاجه غير الدُعاء لله
